Citralakṣaṇam
Technical Details
citralakṣaṇam
atha bhāratīyabhāṣāyāṃ citralakṣaṇam |
prathamaḥ parivarttaḥ
brahmāṇaṃ ca mahādevaṃ nārāyaṇaṃ sarasvatīm |
varadāṃ ca mayā natvā kriyate jayamaṃgalam ||1
prajāpatestathā śambhoḥ padmāsyāyāstathā giram |
pārvatyā anusṛtyaiva jāyatāṃ kila paṇḍitāḥ ||2
tadanantaraṃ citralakṣaṇamucyate |
maṃgalamastu |
mahādevāya devāya sarvavidyavijānate |
namo namo mayā samyagucyate citralakṣaṇam ||3
ādau candramasaṃ vande haraṃ ca candraśekharaṃ |
viṣṇūvindrau sūryamagniṃ ca varuṇaṃ marutaṃ tathā ||4
namaskaromyahaṃ caiva viśvakarmaprajāpatī |
nagnajitaṃ namaskṛtya tvācāryāṃśca punaḥ punaḥ ||5
varṇaṃ ca citrakarmātha śāstrānusāratastathā |
yathājñānaṃ yathāśakti saṃkṣepeṇa mayocyate ||6
viśvakṛnnagnajiddevaprahlādasāramujjvalam |
lakṣaṇamanusṛtyaica viduṣāṃ sudhiyāṃ punaḥ ||7
saṃgṛhya mativṛddhaye nānāśāstrasamuddhṛtam |
ucyate citralakṣaṇaṃ śṛṇvantu tadvidā janāḥ ||8
puredaṃ lakṣaṇaṃ śrutvā nararājo mahodharaḥ |
dharmajñaḥ satyaniṣṭhaśca buddhimāṃśca yaśo'nvitaḥ |
viśruto bhayajinnāmnā tathābhūt dharaṇītale ||9
guṇottamasya bhūpasya dhārmikasya praśāsane |
śatasahasravarṣāṇi cāyuḥ prajāḥ prapedire ||10
nīrogā na ca hantāro manorogavivarjitāḥ |
akālamṛtyuhīnāstāḥ kutaḥ krodhāḥ kuto malāḥ ||11
vāyuḥ supravahaścaiva śakraḥ suvarṣakastathā |
varṇrasasametāni vījamūlaphalāni ca || 12
varṇāśramā hi catvāro na cyutā dharmatatparāḥ |
ṛddhiguṇasamāyuktaṃ śrīmad vikasitaṃ jagat || 13
evambhūte sthite rāṣṭre sukhaśāntisamanvite |
bhayajito manaḥ śuddhaṃ pravṛttaṃ tapasi drutam || 14
suduṣkaraṃ tapaḥ kṛtvā rājñātiśuddhacetasā |
varā bahuvidhā prāptā devāllokapitāmahāt || 15
viṣayastasya śatrubhirdevāstrairapi durjayaḥ |
uttamāpratirodhyā ca sarvaśāstre matistvatha || 16
sarvaguṇairupetasya parākrāntasya dhīmataḥ |
mahābhāgasya devānāṃ prabhāvaiḥ prāptaviśruteḥ || 17
sarvavidyāśrayasyāsya mūrttadharmasya bodhinaḥ |
maṇiputrasamākhyaspa etādṛśasya bhūpateḥ || 18
savidhe tvāgataḥ kaścid rudan vipro'tiduḥkhitaḥ |
kathaṃ rodiṣ bho vipra cetyapṛcchad dvijaṃ nṛpaḥ || 19
kruddhena tena vipreṇa kathito nṛpatistadā |
tava śāsanakāle'smin deśe'kālamṛtiyataḥ || 20
tato'dharmeṇa rājyaṃ taṃ śāssīdaṃ nṛpa niścitam |
viṣmayo ya itaḥ pūrvaṃ na jāto'sau pravartate || 21
madīyavaṃśarakṣākṛt lakṣaṇākṛtisundaraḥ |
akālamṛtyunā kasmāt kroṛato'pahṛtaḥ sutaḥ || 22
bramha priyau hi rājan tvaṃ sarva jānāsi bhūtale |
prāṇatulyaṃ sutaṃ mahyaṃ dehi svāmin kṛpānvitaḥ ||23
dayāṃ yadi na kuryāstvaṃ śaktiman guṇavan nṛpa |
tṛṇakhaṇḍāṇiva prāṇān tvatsavidhe tyajāmyaham || 24
bhāṣite tu dvijenaivaṃ buddhimān puraṣottamaḥ |
ākarṣaṇe sutaṃ tasya matiṃ cakre nṛpālakaḥ || 25
sāntvitastu nṛvākyena " āgaccha mama dāsa hi" |
sūryavarcodharaṃ yamamuditaṃ tatra dṛṣṭavān || 26
dharmarājaṃ jagadbandyaṃ praṇamya bhayajinnṛpaḥ |
brāhmaṇasya hitārthāya sādaraṃ vākyamabravīt || 27
pratyupakṛddvijātestu prāṇebhyo'pi sutaḥ priyaḥ |
cākāle'pahṛto yo'sau tava dūtena durdhiyā || 28
prabho tribhuvanasyāpi dīyatāṃ tanayaḥ priyaḥ |
viśvakarman dvijanmane asmai prītyā ca dhīmate || 29
śrutvā pretādhipo vākyaṃ pūjanīyaṃ hasan nṛpam |
dadau pratyuttaraṃ mṛdu tejasā pūritaṃ vacaḥ || 30
svakīyakarmavaśād jīvāḥ sarve madvaśagā dhruvam |
kasyāpyākarṣaṇe tyāge svecchāśaktiḥ kuto mama || 31
sukhaṃ vā yadi vā duḥkhaṃ sarvaṃ karmavaśaṃ sadā |
tasmāt rājan vijānīyān mayā naiva pragṛhyate || 32
madgṛhaṃ pratipadyātha śarīrī na nivartate |
kālena mahatākṛṣṭo dvijaputro balīyasā || 33
kuśalaṃ cākuśalaṃ vā sarvamihānubhūyate |
karmānusāriṇī bhūmirvijñeyā ca sadā nṛṇām ||34
evamuktaḥ punarbhūpaḥ prāha vaivasvataṃ yamam |
matprārthanāvaśād deva dehyasmai putramuttamam || 35
na śakyate na śakyate yama āha punaḥ punaḥ |
dehi dehi sutaṃ deva rājñāpi prārthitaḥ punaḥ || 36
āgrahasyātiśayyaṃ ca tayoritthaṃ babhūva ha |
vyākulau tī mahāyuddhe tadā liptau babhūvatuḥ || 37
tiṣṭha tiṣṭheti ta rājā bahuśaḥ prāha vīrahā |
sthito'smīti raṇe rājan tamavocad nṛpaṃ yamaḥ || 38
asaṃkhyānāṃ ca vāṇānāṃ tīkṣṇānāṃ parivarṣaṇam |
akarod bhayajid rājā yamasyopari sarvataḥ || 39
śrutaghnaṃ sarvato divyaṃ meghato vārivarṣavat |
apratirodharupaṃ tadastraṃ vavarṣa dharmarāṭ || 40
tena rājā mahākruddho mahāprabhāvaśālibhiḥ |
yamadūtāṃścadevāstraiḥ prapīḍya mumude bhṛśam || 41
śūlāsiprāsamudgarā yamadūtavinirgatāḥ |
bhūpena sarvathā naṣṭā bhayapravartakā ime || 42
preto dāruṇarupī ca pratidiśamadhāvata |
naṣṭaḥ senāpatiścaiva āgamadāhavād drutam ||43
tataḥ pretādhipo devo dṛṣṭvā taṃ tu parājitam |
yathājñākāriṇaṃ daṇḍaṃ jagrāha pratihiṃsayā || 44
kālāgnisadṛśaṃ dṛṣṭvā utkṣiptaṃ pṛthivīpatiḥ |
brahmaśiro'ṅkita cāstramātmahaste gṛhītavān || 45
sarve bhūtā bhayatrastā mahābhūto'pi sarvataḥ |
babhūvurāturā sarve tena durlakṣaṇena vai || 46
duḥkhitāṃ sakalāṃ pṛthvīṃ dṛsṭvā brahmā tathā suraiḥ |
ājagāma svayaṃ tatra tasmin deśe raṇākule || 47
brahmāṇaṃ svāgata dṛṣṭvā bhayajinnṛpasattamaḥ |
sāñjaliḥ pūjayitvā taṃ prāha yathāyathaṃ vacaḥ || 48
yamo'pi praṇipatyātha sarvāmakathayat kathām |
vaiklavyakāraṇani ca śrutvā śeṣāṇi sṛṣṭikṛt |
pratyāvṛtya raṇād devaḥ kathayāmāsa tau tadā || 49
na doṣo bhavatāṃ nātha mṛtyupatermahātmanaḥ |
satyanarādhipasyaiva kālasya na tu karmaṇaḥ || 50
purā śubhāśubhaṃ karma tathā ca śiśunā kṛtam |
labdhañca maraṇaṃ śīghra janma prāpya ca mānuṣam ||51
sāphalyameti te śramo brāhmaṇasyāsya pūjanāt |
tasminnupāyavidyeyaṃ matprasādāt prapūjyatām || 52
varṇādīnāṃ samāyogaiḥ etaddvijasutākṛtim |
rupamālikha bho rājan sarvalokahitāya vaṃ || 53
āvirbhūtena brahmaṇā itthamukte suvuddhimān |
jīvayituṃ lilekha taṃ dvijaputraṃ mahopatiḥ |
brahmā taccitramādāya yojayāmāsa jīvitam || 54
vikacotpalacakṣuṣmān sukumāraśarīradhṛk |
cakṣurunmīlya sānandaṃ punarjīvanamāpede || 55
jīvitaṃ putramāsādya hṛṣṭo brāhmaṇasattamaḥ |
bramhāṇamabhivandyātha svīyaputraṃ gṛhitavān || 56
brahmābravīt tato bhūpaṃ brāhmaṇaprītaye ime |
yamadutā jitāḥ śaktyā sādhu sādhu kṛtaṃ tvayā || 57
brahmāṇā kathite tvevaṃ sa rājā harṣamāptavām |
sarvadamankārī tu daurmanasyaṃ yamo gataḥ || 58
aprasannaṃ yamaṃ dṛṣṭvā vacobhirmadhurairbhṛśam |
brahmā svayaṃ samāśvāsya bhūpatiṃ prāha sattamaḥ || 59
dharmanītiḥ suvijñāya na nindet kāmapi prajām |
sadānandapradobhavyastvabhimānaṃ ca varjayet || 60
yatra sevā satāṃ nāsti tatra nindā bhaved dhruvam |
nālpamapi sukhaṃ kiñcidānpoti nindukaḥ sadā || 61
dveṣiṇo'pi budhāḥ svargād bhavanti vicyutāstahā |
ahaṅkānarayuta bhūtaṃ tyajanti sarvamānavāḥ || 62
nirahaṅkāriṇā tasmāt bhavitavyaṃ sadā khalu |
jātyā balena dānena naipuṇyena ca vidyayā ||63
devatānāñca viprāṇāṃ viśeṣaṇa samādaraḥ |
prakartavyo na kartavyo nindopāyaḥ kathañcana || 64
avirodhena satkāraḥ karaṇīyaḥ sadā nṛpaiḥ |
kṣamāvalambanīyā syāt nindā tyājyā tathaiva ca |
sarvajño nirahaṃkaro guṇine na dviṣennṛpaḥ ||65
puruṣaṃ vacanaṃ tyājyamāghātaṃ visṛjet sadā |
pratyakṣaṃ prāpyate yattu sārthakyaṃ tasya cintayet || 66
devavipravirodhināṃ kutrāpi na sukhaṃ bhavet |
vidhiyaṃ naiva kāryaṃ hi yamasyāpi tato nṛpa || 67
brahmaṇetthaṃ sa bhūpālo hyupadiṣṭo dvijapryaḥ |
namaskṛtya yamasvārthe kṛtavān supriyaṃ tathā | 68
yamo'pi prītimāpanno brahmā prasannatāṃ gataḥ |
aśokaṃ prītimāpede jagadetañcarācaram || 69
atha brahmā nṛpaṃ prāha nagnaṃ pretaṃ nivāraya |
yamadāsaiḥ sadā viśvaṃ na pātayed bhavān khalu || 70
balena tejasā cāpi tapasemaṃ guṇaṃ nṛpāḥ |
anukuryurna karttavyo'kuśala iha bhāvini || 71
bhavān mahāyaśasvī ca karaṇīyo mayā kṣitau |
nivartasva kumārgebhyastvaṃ sadā pṛthivīpate || 72
pretaparyāyakaṃ nagnamajaiṣīstvaṃ yato balāt |
mama prasādād rājendra brāhmaṇānugrahāttathā |
prajāpatitulaḥ pṛthvāṃ yaśasvī tvaṃ bhaviṣyasi || 74
vedajño vrataniṣṭhaśca tapasā śuddhamānasaḥ |
prajāḥ pālaya niṣpāpaḥ anumatistathā mama || 75
asya brāhmaṇaputrasya citrasya lekhanena ca |
tādṛśeṇa kṣitāvādicitrāviṣkārako bhava || 76
lokānāṃ hitasādhanāt pūjanīyo bhaviṣyasi |
adya prabhṛti taccitra jagadvandyaṃ bhavet sadā || 77
pāpaghnaṃ ca manohāri protisukhapradaṃ nṛṇām |
maṅgalaśropradāyakaṃ rakṣoghnaṃ śatrunāśanam || 78
tavādau lekhakakhyātiḥ mameyaṃ vacanena ca |
citramiti prasiddhaṃ tat sarvatraiva bhaviṣyati || 79
brahmaṇetthaṃ vacasyukte yamo vipraśca nagnajit |
sarve nemuśca bhaktyā taṃ brahmāṇaṃ lokapālakam || 80
sarveṣāṃ maṅgalaṃ kṛtvā trilokeśaḥ prajāpatiḥ |
sarvadevagaṇaiḥ sārdhaṃ jagām svagṛhaṃ mudā ||81
rājātha dharmarājaṃ taṃ pūjayitvā prayantataḥ |
svasthānamāgato dhīmān prīṇayitvā yamaṃ tathā || 82
athāsau brāhmaṇastuṣṭaḥ prapayau nagaraṃ drutam |
yasmād deśāt samāpannastatraiva praviveśa ca || 83
hṛṣṭo rājā samitraśca citrasaṃracanāya vai |
udyato'bhūt sadaivāsau saputre prasthite dvije || 84
sarvarūpānukūlaṃ tat mānaṃ vā kīdṛśaṃ bhavet |
tat praṣṭuṃ sṛṣṭikattariṃ brahmalokaṃ jagāma saḥ ||85
kṛpayā brūhi me brahman citrasaṃlekhanakramam |
citrasya lakṣaṇāni me nānāvidhāni santi ca || 86
parimāṇaṃ kimasya syāt vidhinā kīdṛśena vā |
utpādanīyametaddhi sāñjaliḥ pṛṣṭhavān nṛpaḥ ||87
brahmātha prāha bhūpendraṃ śṛṇu rājan samāhitaḥ |
atiguhyaṃ mahad vākyaṃ paramaṃ kathayāmi te || 88
sṛṣṭerādau samāyātā vedā yajñāśca bhūpate |
tataḥ prajā mayā sṛṣṭā upadiṣṭāśca tā mayā || 89
caityānāṃ karaṇāyaiva citraṃ saṃlikhyate yataḥ |
vedāccitraṃ prajātaṃ vai tasmād jñeyaṃ tathaiva tat || 90
ādau saṃlikhitatvācca citramityucyate tataḥ |
carācarayutā vṛkṣā jaṅgamāśca yathāsthitāḥ |
tathā pralikhanātteṣāṃ taccitramiti kathyate || 91
girīṇāṃ sumeruḥ śreṣṭhaḥ aṇḍajānāṃ khagādhipaḥ |
yathā nareṣu bhūpendrastathā citraṃ kalāsu vai || 92
patanti sāgare nadyaḥ samudrā ratnamāśritāḥ |
nakṣatraiścāśritaḥ sūryo bramhā ṝṣyāśrayo yathā |
tathaiva citrakarmaṇi kalāḥ sarvāḥ samāśritāḥ || 93
himālayo yathā śreṣṭho nageṣu sakaleṣu ca |
gaṅgā nadiṣu śreṣṭhaiva graheṣu somabhāskarau || 94
sameṣu vainateyaśca mahendro devavṛndake |
tathā śreṣṭhaṃ bhaveccitraṃ sarvāsu hi kalāsu ca || 95
nagnajid gaccha tasmāt tvaṃ viśvakarma samīpataḥ |
lakṣaṇavidhimānaṃ ca tubhyaṃ sa upadekṣyati || 96
upadeśamanusṛtya brahmaṇo bhūpatistataḥ |
viśvakarmasamīpe tu prasanno hyagamad drutam || 97
dṛṣṭo'sau viśvakarmā ca rājñā namaskṛtastathā |
ātithyaṃ vidhivat kṛtvā rājñe so'dadadāsanam || 98
rājāha viśvakarman bho brahmajñayā hyupasthitaḥ |
citrsya lakṣaṇaṃ karma upadiśatu me prabho || 99
vidhirvā parimāṇaṃ vā kīdṛśaṃ vā bhavettathā |
upadiśatu kārtsnyena rahasyaṃ saprakārakam || 100
evamukte narendreṇa viśvakarmā mudānvitaḥ |
citraśilpasya śāstraṃ tu tasmai rājñe hyupādiśat | 101
ekāgramanasā tattu śrūyatāṃ yad madbhāṣitaṃ |
parimāṇaṃ tathāsthānaṃ varṇopāyau yathāyatham || 102
pradāya sarvamīśena devena padmayoninā |
nirdiṣṭaṃ citralakṣaṇaṃ buddhimantaḥ kṛte śṛṇu || 103
sarvavastusamākīrṇā ākṛtīrlakṣaṇānvitāḥ |
lokaśraddhāspadaṃ mahyaṃ likhitvādau hyupāharat || 104
kena mānena śobhanāḥ sthānopāyaiśca kīdṛśaiḥ |
brahmaṇaḥ kṛpayā labdhāḥ sarve śilpā mayā kṛtāḥ || 105
ākāreṇedṛśenaiva prajā mayā vinirmitāḥ |
devaiścitraṃ vivarddhitaṃ vividhaṃ lakṣaṇānvitam || 106
jñeyaṃ mattastvathā rājan lakṣaṇamākṛti tathā |
sādṛśyaṃ veśasaundaryaṃ parimāṇaṃ kalānvitaṃ || 107
citramīdṛśaṃ saṃlekhyaṃ yatnād buddhimatā tvayā |
darśanīyaṃ manuṣyebhyo vidvabhyo guṇayuktebhyaḥ |
citrasandarśane tāvadutsāhamatiyuktebhyaḥ || 108
munināgāsurāṇāṃ ca pretānāṃ yakṣarakṣasām |
gandharvāṇāṃ ca rājendra vidhivat kakṣaṇādikam |
likhitvā vividhaṃ samyak tubhyaṃ mayā pradaśryate || 109
||iti nagnajiccitralakṣaṇanirdeśe nagnajayo nāma prathamaḥ parivarttaḥ ||
dvitīyaḥ parivarttaḥ
yathoktaṃ brahmaṇā pūrvamācaṣṭe bhūpatiṃ tathā |
likhanādividhiṃ samyak citrasya parinirmito || 1
sthāvare jaṃgame naṣṭe pralayānte ca vai purā |
prādurabhūt suvarṇāṇḍaṃ tamo hatvā jalāt kila || 2
tasmādaṇḍāt prādurabhūt lokapitāmahaḥ svayam |
omityekākṣaraṃ tasmād vedavidyāśca kalpanā || 3
catasraśca prajāstāsāṃ rupasaṃjñādayastadā |
āyuṣā sahitasyaiva brahmaṇo jātireva ca || 4
sthānaṃ caryā ca dharmaśca nyāyaśca prābhavan tadā |
evaṃ kṛte sati brahmācintayat jagato hitam || 5
evaṃ cintayatastasya matiritthaṃ babhūva ha |
kathaṃ janāśca jānīyuḥ saṃjñāṃ devamahībhūjām |
apramādena cādaraḥ sadā teṣu kathaṃ bhavet || 6
brahmetthaṃ cintayitvā tu viṣṇoḥ śivasya cātmanaḥ |
śakrasya sarvadevānāṃ parimāṇaṃ guṇaṃ tathā || 7
savastraṃ vividhasthitamalaṃkārāstrasaṃyutaṃ |
manoramaṃ surupaṃ ca atyantasradṛśaṃ tathā || 8
sasavibhaktasarvāṅgaṃ pratyaṅgaṃ ca yathāyatham |
miśritena ca varṇena citrākāraṃ vinirmame|| 9
vilokya tāni citrāṇi netramūlāt pramoditāḥ |
sādhu sādhviti saṃpūjya praśaṃśasurvidhiṃ surāḥ || 10
ime devāḥ prasannāśca svaptākāraṃ ca lebhire |
adhiṣṭhānaṃ prabhāvaṃ ca kṛtavantastathā ime || 11
prāha saptasurān brahmā astu puṇyaṃ samāśritam |
adya prabhṛti sarvatra yuṣmākaṃ pratimāsu ca ||
nātra śaṅkā kṛthā naraḥ pūjayiṣyati vaḥ sadā || 12
śūddhayā dānena vidhivat tatparāyaṇamānasaḥ |
manuṣyeṣu ca yo nām bhavantaṃ pūjayiṣyati |
tasmai kāmasya siddhaye nairujyaṃ saṃpradāsyati || 13
nānā prakāraduḥsvapnāt dveṣagrastebhya eva ca |
sarveṣā rakṣaṇa kṛtvā pāpān nāśayati dhruvam || 14
dharmaśca sadṛśo bhāvyaḥ rakṣohānirbhaved dhruvam |
yaśovṛddhirbhaved viśve yuṣmākaṃ paripūjanāt || 15
lokapūjāvyavasthāyai pratimānāṃ yathāyatham |
nāmādikīrtanaṃ kārya stavapūjādikaṃ tathā || 16
pratimāṃ yāṃ pratidinaṃ puṇyātmā pūjayiṣyati |
tayaiva dīyate śāntistasmai bhaktāya sarvataḥ ||17
evaṃ vavatviti prāhurdevāḥ prasannamānasāḥ |
svīyaveṣaiḥ svacetasā svādhiṣṭhānaṃ samāgatāḥ |
itthaṃ pūjābhavad viśvavāsibhiste prapūjitāḥ || 18
parimāṇādikaṃ teṣāṃ mattaḥ śrutvā ca lakṣaṇam |
adya manuṣyalokeṣu pracāraya prayatnataḥ || 19
brahmaṇaśca mayā prāptaṃ vidyottamā ca lakṣaṇam |
aśeṣaṃ parimāṇaṃ ca tubhyamadya pradīyate || 20
trilokeṣu ca pūjyānāṃ sarveṣāṃ dehināṃ tathā |
pāpahānikaraṃ bhītenaśikam netramodakaṃ || 22
ādyutpannañca doṣeṇa hīnaṃ nānāśrayaṃ param |
vijānīhi kṣitīndra tvaṃ yaśorāśivivardhakam || 23
||iti citralakṣaṇe pūjotpattirnām dvitīyaḥ parivarttaḥ ||
tṛtīyaḥ parivarttaḥ
lokasya kāyamānaṃ māṃ svayambhūrupadiṣṭavān |
tat tathaiva pravakṣyāmi mānaṃ brūhi prajāsu ca || 1
devarākṣasagandharva siddhanartakakinnarāḥ |
vidyādharāśca nāgendrāḥ piśācapretakāyikāḥ || 2
ye bhavanti ca teṣāṃ vai bhūpatonāṃ tatastathā |
sarveṣāṃ prāṇijātānāṃ mānamidaṃ pravartate || 3
paramāṇuśca vālāgraṃ likṣā yūko yavo'ṅguliḥ |
aṣṭāṣṭaguṇavṛddhayā vai jñātavyamiti niścitam || 4
paramāṇubhiraṣṭābhirekaṃ vālāgramucyate |
vālāgrāṣṭau ca likṣā sā parimāṇajñakīrtitā ||
aṣṭalikṣā bhaved yūkaḥ aṣṭayūkā yavaḥ smṛtaḥ || 5
dvayaṅguloddharyaṅgulaṃ mānamaṅguliḥ syād yavāṣṭakam |
ardhāṅguliścaturyavā iti mānaṃ nigadyate || 6
vistārasya yathaivārtha āyāmena prakāśitaḥ |
tathārohasamucchrāyau paryāyavācinau matau ||
parimāṇānusareṇa varṇanoyāḥ kṣitau narāḥ ||7
ucchrāyaśca tathāyāmo rājñāṃ nyagrodhavṛkṣavat |
vistṛtaścakravartināṃ śruyatāṃ varṇyate mayā || 8
ucchrāyaścakravartināṃ svāṅguleḥ parimāṇataḥ |
aṣṭottaraśataṃ jñeyaṃ kadācinna parāṅguleḥ || 9
cakravartimahīpānāmucchrāyaparimāṇakam |
sākṣāt savarṇyate cātra purvoktaṃ vistareṇa ca || 10
mukhādīnāṃ parimāṇaṃ śruyatāmucyate mayā |
tribhāgena vibhaktaṃ ca samānena tathā budhaiḥ ||
civunāsālalāṭaṃ vā caturaṅgulamānakam || 11
āyāmo mukhabhāgasya bhaveccaturdaśāṅguliḥ |
urddhabhāge tvadhībhāge āyamo dvādaśāṅguliḥ ||
āroho vadanasyātra dvādaśāṅgulimānakaḥ || 12
ārohaścaturaṃgulamuṣṇīṣasya bhaved dhruvaṃ |
āyāmaśca tathaivāsya ṣaṛhaṅgulasamāyutaḥ || 13
śīrṣaṃ chatrasamākāramāyāmo dvādaśāṅgulaḥ |
dvātriṃśat tasya maṇdalamaṅgulīnāṃ hi mānataḥ || 14
karṇadeśasya cāyamo dvayaṅguliparimāṇakaḥ |
caturaṅgalisamucchrāyo randhramardhāṅgalaṃ matam |
karṇārandhrasya cāroha ekāṅgulo bhaved dhruvam || 15
samānatalavijñeyaṃ bhrupṛṣṭhakarṇayostathā |
akṣikoṣasya vistāraḥ karṇarandhrasamānakaḥ || 16
karṇasya luṭikāmānaṃ niścayena na kīrtyate |
bhruvorucchrāya āroho dvau yavau caturaṃguliḥ || 17
sarveṣāmeva śāntānāṃ bhruḥsyānnavaśaśāṅkavat |
narttane rodane krodhe cāpākārā bhavet sadā || 18
bhaye śoke ca bhruprāntāvunnatau kramikau smṛtau |
nāsākośāt samutthāya ardhalalāṭagāminau || 19
ekāṅgulistathā madhyaḥ romakoṣasamāvṛtaḥ |
bhrūmadhyāt keśaparyantaṃ mānaṃ dvayardhāṅgulaṃ matam || 20
bhrūvaḥ prabhṛti bhālāntaṃ mānaṃ syāccaturaṅgulam |
dvayaṅgulau hyakṣikoṣaḥ syānnetramadhyaṃ tathaiva tu || 21
cakṣuṣodvaryaṅgulāroha āyāmaścaikakāṅguliḥ |
tribhāgastārakā hyasya mukhamānasusammatā || 22
cakṣuvat tārakocchrāyo nayanaṃ cāpasannibham |
yad bhavettasya mānaṃ syād yavatrayapramāṇakam || 23
utpalapatranetrasya pramāṇaṃṣaṛyavaṃ smṛtam |
matsyodarasunetrasya mānamaṣṭayavaṃ bhavet ||24
padmapatranibhaṃ netraṃ navayavaiḥ susaṃnitam |
varāṭakābhanetrasya mānaṃ daśayavaṃ bhavet ||25
ucchrāyaśca tathāyāmo netrāṇāṃ varṇito mayā |
nirvikalpaṃ bhaveccakṣuryogināṃ cāpasannibhaṃ ||26
kāmināṃ ca tathā strīṇāṃ netraṃ matsyodaraṃ bhavet |
sāmānyānaṃ tu karttavyamutpaladalasannibham ||27
trastasya rudataścaiva padmapatranibhaṃ varam |
kruddhasya duḥkhitasyaiva varāṭakanibhaṃ sadā || 28
utpaladalavannetraṃ raktāntaṃ kṛṣṇatārakam |
dīrdhāgrasundaraṃ pakṣma śuvarṇaṃ sarlaṃ mṛdu || 29
gokṣīravarṇavatsnigdhaṃ prajāhitakaraṃ bhavet |
rājannetat vijānīyād yathā syāt netralakṣaṇam || 30
prasannapadmavannetrāṃ nīlavalkalasundaraṃ |
antarākhacitaṃ kṛṣṇaṃ tārakaṃ śrīsukhapradam ||
vilikhayet tathā dhīmān citraśāstreṣu dīkṣitaḥ || 31
netramānamidaṃ jñeyaṃ yathāśāstramudīritam |
ṣaṭtriṃśaddṛṣṭiniyamalakṣaṇamagra ucyate ||32
nāsāyāḥ punarārohaścaturaṅgulimātrakaḥ |
māsāgrasya samucchrāyau dvayaṅguliparimāṇakaḥ | 33
vakratāyāḥ puṭasyāpi āyāmaḥ svāṅgulidvayam |
nāsārandhrāgradeśasya mānavaṃ syāccaturyavam ||
ucchrāyaśca tathaivāsya yavadvayasamāyutaḥ || 34
deśasturandhrayormadhye dviyavaparimāṇakaḥ |
ārohaḥ ṣaṛyavastasya oṣṭha ekāṅguliḥ smṛtaḥ || 35
adharo'rdhāṅgulistasya gojī cārdhāṅgulistathā |
adharoṣṭhasya cārohaścaturaṅgulimānakaḥ || 36
oṣṭhāntau vimbavad raktau tathā cāpānukārakau |
alpocco mukhakoṇaḥ syāt sadāsusmitasaṃyutaḥ || 37
ucchrāye dvayaṅgulirhanurāyāme tryaṅgulistathā |
kaṇṭhasya tu samucchāyaścaturaṅgulakaṃ smṛtam |
utkṣiptakaṇṭhamānaṃ hi jñeyametanna cānyathā ||38
adhādhaḥ kaṇṭhadeśaya cāyamaḥ syād daśāṅguliḥ |
kaśo'ṣṭāṅgulakaṃ mānaṃ tataḥ sthūlastrimānataḥ || 39
kaṇṭhastribalibhiryuktaḥ karttavyaḥ kambuvat sadā |
unnataḥ pṛṣṭhabhāga syāt parimaṇḍalasaṃyutaḥ || 40
pañcāṅgulaṃ tu gaṇḍodhvaṃ adhaḥ syāt caturaṅgulam |
civukasya tathā mānaṃ caturaṅgulakaṃ matam || 41
āyāmo mukhagāgasya tathauṣṭhasya vivarṇitaḥ |
caturasraṃ mukhaṃ pūrṇaṃ prasannaṃ cārulakṣaṇam || 42
trikoṇā kuṭilā vṛttā naiva kāryā mukhākṛtiḥ |
krodhayuk roṣayuk caiva na mukhaṃ syāt kadācana || 43
īdṛśairlakṣaṇairyuktaṃ mukhaṃ vilikhayed yadi |
susampanno bhaviṣyati nara iha ca sarvadā || 44
śāntikāmi mukhaṃ yat syād dīrghaṃ ravartaṃ ca vartulam |
trikoṇaṃ vā prajānāñca sāmānyānāṃ bhaviṣyati || 45
taditarañca yad bhavet pūrvalakṣaṇasaṃyutaṃ |
tad vijñeyaṃ ca devānāṃ mukhasya mānamīdṛśam || 46
ata ūdhrvaṃ pravakṣyāmi kāyamāna vicārataḥ |
avikṣiptena gṛhyatāṃ manasā ca mahipate ||47
yat sthānaṃ kaṭideśasya udarasya tathāntarā |
jñeyaṃ tad dvayaṅgulaṃ nūnaṃ skandhāyāmaḥ ṣaṛaṅgulaḥ ||
daighrye tvaṣṭāṅgulo jñeyo vakṣastu dviguṇaṃ smṛtam || 48
ārohaḥ syāttu meṭrasya ṣaṛaṅgulapramāṇakaḥ |
aṣṭādaśāṅgulā śroṇī ārohe kathitā budhaiḥ || 49
jatruto hṛdayaṃ yāvanna kuṭilaḥ pradeśakaḥ |
hṛdayān nābhirandhrakaḥ bandhuraḥ syānna saṃśayaḥ |
nābhito meṭraparyantaṃ samānaṃ ca bhaved dhruvam || 50
caturdaśāṅgulaṃ kaṭyā nābherardhāṅgulaṃ matam |
mānaṃ ca dahiṇāvarttaṃ yavaikaṃ cucukaṃ smṛtam || 51
maṇḍalo dvayaṅgulo vāsaḥ punardeyaṃ cucūkayoḥ |
bandhanaṃ ca pradātavyaṃ kaṭideśasya śobhanam ||
kaṭideśastathā nābheradhastāccaturaṅguliḥ || 52
āyāme dvayaṅgulaṃ meḍhraṃ vāsteyastu ṣaṛaṅgulaḥ |
bṛṣaṇau nātilambau hi sthūlatve saptakāṅgulau ||
parivṛtiḥ samānaiva ucchrāye caturaṅgulau || 53
medaṃ ṣaṛaṅgulaṃ proktamantaraṃ svodarānnanu |
ṣaṛaṅgulaṃ bhavet mānaṃ lakṣaṇajñairudāhṛtam || 54
āyāmo jaṅghayoḥ kāryaḥ pañcaviṃśatiraṅgulaḥ |
ūrborgulphayoścaiva mānaṃ syāccaturaṅgulam || 55
prāntadvayaṃ ca jaṅghāyā vikhyātaṃ citrakarmaṇi |
gulphalagnapradeśasya āyāmaścaturaṅgulaḥ |
tathaiva madhyadeśī hi āroheṇa ṣaṛaṅguliḥ || 56
ñyaṅgulaṃ jānubhāgasya āyāme na tathārohe |
jaṅghādvayasya tasyordhaṃ mānamaṣṭāṅgulaṃ matam |
jaṅghayoḥ sthūlatāmānaṃ bhaved dvādaśakāṅgulam || 57
jaṅghāgramunnataṃ kuryāt puṣṭamasina saṃyutam |
mṛdu karikarākāraṃ na kāryaṃ viṣamaṃ kvacit || 58
gulphādeśastathā nāṛī pragacchannaiva dṛṣṭitām |
jaṅghāyāḥ paścimo bhāgaḥ suvṛtto'lponnatau bhavet || 59
ucchrāyeṇa tu pārṣṇīnāṃ mānaṃ pañcāṅgulaṃ matam |
āyāmastryaṅgula proktaḥ pādau caturdaśāṅgulau || 60
caturaṅguliko'ṅguṣṭo raktaṃ pādatalaṃ smṛtam |
raktapadmāgrasādṛśyaṃ lākṣārasasamāyutam || 61
cakrādilakṣaṇairyuktaṃ parasparasamīpagam |
pādasya bandhanaṃ syāttu dvayuṅgulaṃ bhūpadeśagam || 62
cakravartimahīpasya haṃsavaccaraṇau matau |
bhūsparśau jālavṛddhau ca aṣṭāṅgulipramāṇakau || 63
kūrmapṛṣṭasamākārau sundaracinhasaṃyutau |
pañcāṅgulisamāyāmau darśane sumanoharau || 64
kaniṣṭikāttayārohaḥ ṣaṛaṅgulisusaṃyataḥ |
aṅguṣṭasya tathāyāmo dvayaṅgulaḥ sādhuniścitaḥ ||
parivṛtiḥ ṣaṛaṅguliḥ ārohe caturaṅguliḥ || 65
agre samunnatā kāryā dīrghā aṅgulayastathā |
aṅguṣṭhāpekṣayā sthūlā ārohe tryaṅgulā matāḥ || 66
ekaikāṅgulito nyūnāḥ sarvāḥ syuḥ kramikāgatāḥ |
kaniṣṭhikāsamucchrāyaparīivṛttirdviraṅguli || 67
aṅgulīnāṃ tu jālāśca sannaddhāḥ sundarāstathā |
nāḍyaviṣamasaṃpuṣṭā asthi cādarśanaṃ gatam || 68
nakhāścārdhaśaśāṅkavat raktimāḥ snigdhavarṇakāḥ |
sinduraliptasarvāṅgāḥ pradiptāgniśikhā yathā || 69
candrakāntasamujjvalāstathā suspaṣṭasaṃyutāḥ |
avraṇā mṛdavaḥ pūrṇāḥ yavamānena pūritāḥ || 70
aṅgulistu tribhāgaḥ syāt spaṣṭā vṛddhāṅgulistathā |
tasyāḥ pārśvāṅgulermadhye sthānamardhāṅgulaṃ matam || 71
gulphādeśādadhobhāgaścaraṇamitisaṃjñitam |
taccaraṇasamucchrāyaḥ caturaṅgulako mataḥ |
itthaṃ caraṇamānaṃ syān mayā proktaṃ sucintitam || 72
hastasya lakṣaṇānyatra śruyantāṃ kathayāmyaham |
talaṃ saptāṅgulaṃ dīrghaṃ vistāraḥ pañcakāṅguliḥ || 73
madhyāṅguleḥ samucchrāyaḥ pañcāṅgulaṃ prakīrtitam |
tarjanyā nyūnatā bodhyā parvārdhena susaṃmatā || 74
anāmikāṅgulīmānaṃ tadūvadeva bhaved dhruvam |
kaniṣṭhikāpyadīrghā syāt pārśvāṅgulikramādanu ||75
aṅguṣṭhasya sadorahoścaturaṅgulako mataḥ |
aṅguṣṭhe dve tu parvaṇī samenaika yavo bhavet || 76
tasyādho māṃsapiṇḍaśca tryaṅgulisammito bhavet |
aṅguṣṭhasya pramāṇaṃ tu navayavakasammatam ||
āyāmo'ṣṭayavaḥ kārya ārohastu yavā nava || 77
aṅguṣṭhāttu caturbhāgā naddhā jālakramādanu |
nakhā raktāstathā svacchāḥ śuktivaccārutānvitā || 78
aṅguṣṭhapārśvamāṃsaṃ tvāyāme aṅgulakaṃ matam |
aṅguṣṭhāntaṃ tu karabhāt saptāṅgulamānakam || 79
āyāmaśca tathārohaḥ kramādaṅguṣṭhayormithaḥ |
yathāśāstramupanyastaḥ śubhaṃ kāryaṃ vicārayan || 80
parvārdhena mitāḥ kāryā nakhāḥ sūkṣmāṃ nakhāgrakāḥ |
sṛṣyante ca yavādṛśaḥ parvatarekhā tvadoṣabhāk || 81
parvaṃ dīrghaṃ ca vṛtaṃ ca karatalasuśobhanam |
talau padmasamau raktau karasyaivaṃ vidhānataḥ || 82
akuṭilamavakraṃ ca gambhīraṃ sūkṣmakaṃ tathā |
rekhātrayaṃ kare proktaṃ raktavarṇaṃ suśobhanam || 83
śrīvatsacakracinhasvastilakṣaṇa samanvitam |
kārpāsasparśakomalaṃ kṣaumasūtramanoharam |
sukhadaṃ cāru susparśaṃ kuryāt karatalaṃ śubham || 84
samantān māṃsapūrṇaṃ vai nāṛī dṛśyā kadāpi na |
hastapṛṣṭhaṃ sadā snigdhamunnataṃ ca bhaved dhruvam |
sūkṣmā aṅgulijālā hi sundaraṃ ca tanustathā || 85
utpalābhaḥ sadā rakto nāgendrābhogasannibhaḥ |
nakhodarastanuḥ snigdha unnataḥ karaśobhakaḥ || 86
ārohāyāmamānaṃ tu hastasya gaditaṃ mayā |
bāhūnāṃ mānamārohaṃ dhīman śṛṇu vadāni te || 87
ubhayostu tathā bāhvīrmānaṃ kuryād yathāvidhi |
ṣaṭtriśakaṃ pramāṇaṃ vai aṅgulīnāṃ vidhānataḥ |
aṣṭādaśa prabāhośca bāhoścāpi tathaiva ca || 88
skandhāgrasya bhaven mānaṃ ṣaṛaṅgulisusammatam |
āyāmo bāhubhāgasya jñeyaṃ pañcāṅgulaṃ sadā || 89
aṅgulirmaṇibandhaḥ syāt pravāhū caturaṅgulī |
viśālo varttulākāraḥ suspaṣṭoraṃśo bhavet punaḥ || 90
āroho bhujayoryastu bhavedaṣṭādaśāṅguliḥ |
ākarādaṣṭacatvāriśat nāṛiparva tvadṛśyakam || 91
hastau na jānuparyantau dīrdhau sūkṣrmau ca sundarau |
samantān māṃsapūrṇau ca bhavetāmānapūrṇyataḥ || 92
gopucchāgrasamau tāvat krameṇoccāvacau punaḥ |
bāhū daṇḍāyamānasya jānuparyantagāminau || 93
tasmād rājendra hastena jānuprāpta udīryate |
bāhuprabāhumānāni āyāmārohaḥ kīrttitaḥ || 94
punaragre pravakṣyāmi lakṣaṇāni śubhāni vai |
yāni purvaṃ na coktāni tāni tubhyaṃ vadāmyaham || 95
keśānāṃ prāntabhāgāttu sthānaṃ kaṭyāsthivistṛtam |
parimāṇaṃ ṣaṛaṅgulaṃ jñeyaṃ sadā mahīpate |
skandhasthalasya mānaṃ hi ṣoṛaśāṅgulisammitam || 96
ārohastasya madhyasya daśāṅgulaṃ bhaved dhruvam |
āyāme cāṅgulīnāṃ hī saṃkhyā yāyād navānvitā || 97
skandhadeśasya madhyāṃśa ārohāyāmaśobhitaḥ |
pṛṣṭhamadhyaḥ ṣaṛaṅgulirurdhve tu viṃśatirmatā || 98
madhyasya dvayaṅgulāyāmaḥ pṛṣṭhaṃ bhāgena sundaram |
puruṣāṇāmidaṃ mānaṃ strīṇāṃ bhāgaḥ sa eva hi |
māṃsapeśyalpasaṃyutaḥ sarvaśarīraśobhanaḥ || 99
nitambapārśvamānaṃ syāt ṣaṛaṅgulisamanvitam |
caturasraṃ ca vijñeyaṃ maṇḍalānvitanimnagam || 100
sthānāt tasmāt samārabhya śroṇīsīmāsamīpagam |
caturaṅgulaṃ sthānaṃ syāt pāyustu dvayuṅgulaṃ matam || 101
nitambadeśa ārohe cāṣṭāṅgulisamanvitaḥ |
nātisaṃkocamāpanna āyāmaḥ saptakāṅguliḥ |
cārumaṇḍalayuktaśca nātiprasārito bhavet || 102
ārohāyāmayoḥ sarvaṃ lakṣaṇaṃ śāstrasammatam |
nirdiṣṭaṃ cāvabodhārthaṃ punaratra pravakṣyate |
avikṣiptena cittena gṛhyatāṃ lokahetave || 103
dantaśirasya lobhānāṃ vyavasthā kramaśo yathā |
varṇasya lakṣaṇaṃ caiva devamukhe na dīyate || 104
sugrathitāḥ samādantāḥ snigdhavarṇāḥ sutīkṣṇakāḥ |
dadhimuktābjavacchuklāḥ svacchāḥ śvetā himā iva || 105
catvāriśacchubhā dantāḥ śvadantaiśca suśobhitāḥ |
ārohe triyavā jñeyā āyāme yavayugmakāḥ || 106
dantamūlaṃ tathā tālu jihvāsīmā ca lohitam |
jātīkusumasaṃkāśaṃ śvadantābhaṃ suśobhanaṃ || 107
śvadantānāṃ yavārdhena vṛddhiḥ kāryā vicārayan |
tīkṣṇāgraparimaṇḍalaṃ mṛdu mṛṇālatantuvat || 108
padmapatrapratīkāśaḥ komalaṣca sulakṣaṇaḥ |
sthirataḍīnnibho jihvādeśaḥ spaṣṭaṣca raktimaḥ |
navārdhaparṇavaccāruḥ mukhe vai vitato bhavet || 109
airāvatasya vṛṃhatī hayarājasya nādavt |
megharavasya gambhīrā vāṇī proktā sulakṣaṇā || 110
jālarekhānibhā keśāḥ śiro'laṃkaraṇaṃ gatāḥ |
indranīlasabhāḥ kṛṣṇā bhramarāñjanasannibhāḥ || 111
mayūrakaṇṭharomābhāḥ kokilābhāḥ śiroruhāḥ |
nīlā dedīpyamānāśca pṛṣṭamūlasamāgatāḥ || 112
sundarā dakṣiṇāvarttāḥ keśariṇaḥ saṭāprabhāḥ |
jālarekhāṅkitāḥ koṇāḥ keśacūṛā manoharāḥ || 113
bāhumūlopajaṅghāsu nāsākarṇamukheṣū ca |
jaṅghāsu kaṇṭhagaṇḍeṣu keśā na syurmahātmanām || 114
mṛdusūkṣmaistathā snigdhairjālarekhaiḥ suśobhanaiḥ |
keśānāṃ parimaṇḍalairnīlāñjanasamaprabhaiḥ |
vakṣasthalaṃ nṛpāṇāṃ ca śobhitaṃ syāt sulakṣaṇam || 115
devabhūtamanuṣyāṇāṃ mukhe śmaśru na roma ca || 116
eteṣāṃ devadehastu romabhiḥ parivarjitaḥ |
ṣoṛaśavarṣapūrakaṃ śarīraṃ taddhi kathyate || 117
surāṇāṃ keśajālaṃ tu sūkṣmalateva saṃgatam |
nīlaṃ cakṣurmanogrāhi sarvasattvasukhapradam || 118
jambunadasamāhṛtataptakāñcanavarṇakaḥ |
dediṣyate ca deho'sya pātacampakapuṣpavat || 119
kamaladalakoṣasya prākāra iva tṛptidaḥ |
uttamaḥ puruṣo jñeyaḥ lakṣmaṇaṃ cakravarttinaḥ || 120
gajarājagatiryasya vṛṣarājapadonnatiḥ |
mṛgarājagatisthairyaṃ lakṣmaṇaṃ cakravarttinaḥ || 121
gajavat sabalau pādau vṛṣavadānanaṃ kharam |
vadanaṃ siṃhavad rājahaṃsatejaḥ samāyutaḥ || 122
veśadṛśāṃ gatiṃ cātha atikramya ca sarveṣām |
dṛśyavannāṭakasyeva bhūtānāṃ śikṣako ca manoramā || 123
sugandhastvak kṛśaḥ snigdhī darpaṇasparśakomalaḥ |
dhūlimalena nirliptaḥ lakṣaṇaṃ cakravarttinaḥ || 124
pradīptamaṇisaṃkāśaḥ shvetavastrasuśobhitaḥ |
samantāt kiraṇāvṛtaḥ rājā lekhyaḥ kṛśaḥ sadā || 125
nirmedhaśaśiccāru prabhāmaṇḍalamaṇḍitam |
śarīraṃ yasya rājendra lakṣaṇaṃ cakravarttinaḥ || 126
mukhaṃ candradṛśaṃ shvetaṃ sugnigdhaścāparaḥ śaśī |
dharāpṛṣṭe samāyāta ittthaṃ mādhuryamaṇḍitaḥ |
bhrūvoḥ kaṇṭhasya bhālasya saundaryaṃ hi mukhasya ca || 127
ākuñcitamṛdusnigdha cārukeśaḥ sunāsikaḥ |
cārvoṣṭaṃ raktimāpūrṇaṃ svacchā dantā nabho yathā || 128
dīrdhottama ca pakṣma hi snigdhavarṇaṃ bhavettathā |
nīlaṃ kṛṣṇaṃ dīrghaṃ ca cakṣuḥ syāt sumanoharam |
bhrūvau dīptau sadā jñeyau netrānandavidhāyakau || 129
phullāravindakoṣasya karṇayorākṛtiḥ samā |
īṣadromau manoharau śarīrāṅgavibhūṣaṇau || 130
karṇayorluṭike tasya kramike śaṅkhasannibhau |
baddhaskandhau supūrṇāṃśau śobhanamaṅgamaṇḍalam || 131
māṃsapurṇaṃ bhaved vakṣaḥ tasyāroho yathākraman |
āyāmaśca yathāyathaṃ cānupūrvyeṇa saṃgatā || 132
siṃhodaravad vijñeyā kaṭirāvartitā bhavet |
dakṣiṇāvartino nābhiḥ gabhīrā syād yathāyatham || 133
airāvatasamānau hi liṅgakoṣaśca sundaraḥ |
samantāt maṇḍalākāraḥ ābhādṛśyā bhaved dhruvam || 134
gajaśuṇḍasamā jaṅghā anukrameṇa vistṛtā |
mukheṣu connatā jñeyā gulpho'dṛśpo bhavet tathā || 135
subaddhāṅgulisundarau kūrmavat māṃsalau tathā |
ardhacandraprabhāyuktāṅgulicakrapadāṅkitau |
pādapṛṣṭomṛdū syātāṃ komalau haritau smṛtau || 136
vṛṣapucchānupūrviyau dīrghāṅguliyutau karau |
nakhaprabhāsamujjvalau prasāre dīrghakau yathā |
parimaṇḍalasampannau cakrarekhāsvalaṅakṛtau || 137
campakadāmaśobhitaḥ marālagātasaṃyutaḥ |
susaṃsthānasamāpannaḥ sarvāṅgeṇa manoharaḥ || 138
tejasvī vīryavān rājan cakravarttī sadā bhavet |
āyāmārohamānaṃ ca lakṣaṇaṃ tadudāhṛtam || 139
dehe jaṅghopajaṅghā ca bhṛśaṃ vikaśitā bhavet |
suhastau caraṇau syātāṃ tathā parva ca dṛśyate || 140
kukṣipṛṣṭe suśobhite mukhaṃ cāru manoharam |
śobhitau ca bhujau syātāṃ deho mānānvito bhavet || 141
aṅgāni māṃsapūrṇāni śarīraṃ snigdhavarṇakam |
priyaudāryaguṇā yatra rājahaṃsagatistathā |
cārudeho mahīpateḥ cakravartī sa ucyate || 142
prasiddhaiḥ śilpibhiḥ kāryaṃ mānavāṅgeṣu yatnataḥ |
śīrṣakaṣṭabhujadvandaṃ jaṅkhopajaṅkhasundaram || 143
upayukteṣu sarveṣu parimāṇaṃ tu yatra ca |
tatra svāṅgulinā kāryaṃ mānaṃ sarvatra karmaṇi || 144
ārohāyāmapīnatve pratyaṅgaṃ samatāṃ bhajet |
vidhinā parimāṇena sammpannaṃ śobhitaṃ bhavet || 145
atī jñeyañca paṇḍitaiḥ parimāṇaṃ suyatnataḥ |
parimāṇapratiṣṭānopāyādibhirvihīnā yā |
pratimā sā parityaktā suradevaiḥ sadā khalu || 146
piśācā rākṣasā bhūtā vasanti tvarita tathā |
śobhitān nāśayanti ca amaṅgalaṃ bhayaṃ bhavet || 147
ārohāyāmayoḥ rājan lakṣaṇaṃ kathitaṃ mayā |
yathecchaṃ vai vibhaktavyaṃ caturbhāgena mukhyataḥ || 148
valiḥ sūryo dāśarathiḥ rāmo manusutastathā |
parimāṇānusāreṇa kāryo bhinno vīcakṣaṇaiḥ || 149
bhadrau dvayaṅgulinā nyūno mālavyaścaturaṅguliḥ |
rucako'ṣṭāṅgulinyūnaḥ śaśakaśca daśāṅguliḥ || 150
apriyo na yathā yāyāt tathā mānaṃ vicārayet |
kiṃ bhavet parimāṇena śarīraṃ cedasundaram || 151
caturṇāṃ ca tathā rājñāṃ parimāṇasya lakṣaṇam |
brahmaṇā tu pradarśitaṃ vistaraṃ bravīmi te || 152
sarvasya lekhane granthe vistāro bhavati dhruvam |
tena trasyanti cālpajñā aśrutikāraṇān nanu || 153
nārīpuruṣayoḥ satsu lakṣaṇeṣu prajāpatiḥ |
dvādaśeṣu sahasreṣu pañcaśa upadiṣṭavān || 154
naralakṣaṇayukteṣu tathānirdiṣṭapañcadhā |
tubhyaṃ pradarśayāmi ced gacched grantho viśālatām || 155
cakravarttinarendrasya lakṣaṇaṃ kathitaṃ mayā |
vidhivat parimāṇañca anyapradarśanena kim |
uttamapuruṣādīnāṃ tena mānaṃ dhruvaṃ bhavet || 156
ato buddhayā suniścitya bhadro lekhyo vicārayan |
sa ca bhavet samucchrāye ṣaḍuttaraśatāṅgulam || 157
rucakasya samucchrāyaḥ śatasaṃkhyānvito bhavet |
mālavasya tathocchrāyaścatuḥśatamitāṅgulam || 158
śaśakasya samucchrāye saṃkhyāṣṭanavatiḥ sadā |
aṅgulīnāṃ vidhātavyā citraśāstraviśāradaiḥ || 159
ato'nyomānaniyamo na bhūto na bhaviṣyati |
uttamādhamamadhyamapradhānānāñca bhūbhṛtām |
ārohāthāmamānaṃ tu ālocyātra pradarśinam || 160
ucchrāyo navarat strīṇā jñeya ekāṅguliḥ kṛśaḥ |
ekāṅgulistathā rājñā puṣṭirjñeyā mahāmate || 161
nābhijaṅkhopajaṅkhānāṃ laṭikaṇṭhopajānunām |
śīrṣadeśasya vakṣasastathā caraṇayornṛpa |
āroho nāpriyo yāyāt tathā mānaṃ vidhīyatām || 162
uttamamadhyamādhamamānaṃ tu kramikaṃ matam |
ārohaśca tathāyāmaḥ teṣāmatra pradarśitaḥ |
nārīṇāṃ parimāṇaṃ ca sarvaṃ śṛṇu krameṇa hi || 163
rājñāṃ yathā pradarśitaṃ mānena ca tathāyutam |
samyag vicārya śemuṣyā bahusthānapratiṣṭhitam || 164
samadvibhāgasampannaṃ niṣkuṭilaṃ sukomalam |
lekhyaṃ citramaninditaṃ netraprītivivarddhanaṃ || 165
iti citralakṣaṇe parimāṇo nāmstṛtīyaḥ parivartaḥ |
yāvat brahmaṇaḥ parimāṇalekhayaḥ samāptaḥ |